Heels

Hum sabko Heels ki secondary uses pata hain
1. Lambe dikhne ke liye
2. Dance ke liye
3. Formal wear

PARR, kya aap jante hain heels invent kisne ki?

Kahani suno!

Ek mali tha, aur woh ek public garden ka dhyaan rakhta tha. Wahaan ki mitti ko usse baar baar khurpi se theek karna padhta tha. Usne soch, " Itna bada Garden, Itni choti khurpi.. kuch toh karna padega! "

Usne socha, kyon na ladkiyon ke pairon mein khurpi baand di jaye? Aur ek gol gappa party rakh di jaye garden mein? Bas, phir kya tha.. usne normal jooton ke neeche khurpiyan chipkayi aur ladkiyon ko bola, " Aao gol gappe khao! Free mein!"

Saari ladkiyan apne khurpi wale jooton ke saath bhaagi uss garden mein. Gol gappe wale ko instructions thi ki woh apni redhi idhar udhar bhagata rahe. Phir kya tha? Gol gappe wala aage aage, ladkiyan peeche peeche.. Dekhte hi dekhte, pure garden mein khurpiyan baj gayi! Isse Mali ne dekha ki uske haath pe lagi chot ko bhi heal hone ka mauka mila.. uska naam padha "HEEL".. kyonki usse 'heal' ke spelling ni aate the.

Wikipedia pe aisa gyaan ni milega apko.

Uses:

1. Akhrot todhne ke liye
2. Chintiyon ki shaadi hoti hain heels ke neeche. Woh unke liye tent hota hai (contributed)
3. Chot "heel" karne ke liye
4. Deewar mein keel thokne ke liye
5. Zameen pe awaaz nikal ke logon ko tang karne ke liye
6. Heel the world, make it a better place! - Micheal Jackson
7. Apni pyaas bujhane ke liye.. nahin samjhe?

ABCD bolo.. J ke baad heel use karo.. Jheel ? Jheel = Pani. Har baat samjhani padegi kya?

8. Kisi stationary cheez ko heelane ke liye
9. Masale peesne ke liye.
10. Wine bottle ko band karne ke liye
11. Scale wali heel use ki ja sakti hai sadak pe paani ka level naapne ke liye
12. Agar samundar mein ghum ho, toh land dhundne ke liye. Kaise?

Yaar.. Sa re ga ma gao.. Sa gaane ke baad heel use karo.. Saheel = Sahil = Coast. Tum bahut hi duffer ho, homework dun kya ab?

13. Kahin log heels haath mein pehen kar keyboard pe type karte hain
14. Kaan saaf karne ke liye
15. Naak mein ungli ki jagah heel ghusayo!

Aur kuch ?